Trajneri i Tottenham Hotsours, Antonio Conte është një objektiv real në verë për stolin Paris Saint-Germain.

Trajnerit të PSG-së, Mauricio Pochettino, pritet t’i tregohet dera në fund të këtij sezoni – një vit para skadimit të kontratës së tij.

Argjentinasi pritet të zëvendësohet nga ish-trajneri i Real Madridit, Zinedine Zidane, i cili shihet si favorit.

Megjithatë, trajneri francez ka konkurrencë të fortë për stolin e klubit nga Parc des Princes, pasi tashmë emra të rinj po lidhen me stolin e PSG-së.

Sipas mediumit The Athletic, Conte është gjithashtu duke u monitoruar dhe konsideruar nga drejtuesit e klubit francez.

Italiani është konsideruar prej kohësh nga PSG, me marrëveshjen e tij aktuale që skadon në fund të sezonit të ardhshëm.

Conte nuk po arrin të pajtohet me politikën e drejtuesve të Spurs dhe një largim gjatë verës duket i pashmangshëm.